صدقني يا صاحبي
ان خفت ماتقولشي
وان قلت ماتخافشي
ان خفت ماتقولشي
اجري اهرب
في وش الريح ماتقفشي
عن العيون اختفي
في الضي ماتظهرشي
وسط الجحور عيش
حياة الذل دوق
الهوا ماتتنفسشي
طاطي راسك
عينك في الارض
كلمة ماتنطقشي
ابكي واعرف ان الدموع مش عيب
وجوة قلبك من الغضب شيل
وابدا ماتتجراشي
ان خفت علي حياتك
عيشها
بمرها اكتر من حلوها
واندم علي لحظة الحقيقة
اللي انت فارقتها
ولويت لسانك بالكدب
وعن الناس زورتها
عشان حياتك
اللي انت تبكيها
بدل الدموع دم
صدقني يا صاحبي
ان خفت ماتقولي
وان قلت ماتخافشي
ان قلت ماتخافشي
اقف صامد امام الجبال
واثبتلهم انك مش جبان
بعد مادقت طعم الخوف
والذل في الجحور
وحياة الشقي
بعد ما بكيت كل يوم
لما فضلت حياة علي ممات
بعلو صوتك اتكلم
قلهم هم مين
مقامهم
وسط الحشود اكشفهم
ماتخبيش
ولا ترحم
لانهم يوم مانت جريت
وراك طاردوك
بكلابهم السعرانة
ماتخافشي
دي دنيتك
عيشها بقوتك
دي حياتك
وواحدة بس لربك
ربك خلقك حر
مش عشان اي خلق
ييجي عليك يتنطط
صاحبي
عارفك من يومك اصيل
من يومك عن الخسة بعيد
من يوم ماتولدت وانت في حياتك رزين
صاحبي
يوم ماتكلم
متخافشي
ماتترددش
ثانية واحدة تضيعك
زي الجندي
اقتلهم قبل ما ياكلوك بالحياة
ومفيش عليهم لوم
لان هم الاقويا
وهم باديهم السلطة والجاه
بس انت معاك سلطان الحق
وملك العباد
ومعاك تجربة
لاسوا ايام عمرك عشتها
عشان كدة اثبتلهم
ان مفيش افترا
في دنيا حاكمها ربنا
